سعودی عرب دا روہنگیا مسلماناں سانگے 20 ملین ڈالر عطیہ دا اعلان

جنیوا (پاکستان نیوزپوائنٹ24اکتوبر2017ء) سعودی عرب جنیوا اچ روہنگیا پناہ گزیناں دے بحران دے حل سانگے امدادی ملک دی کانفرنس اچ 20 ملین ڈالردا عطیہ کر ڈتا ۔سعودی اخبار دے مطابق سلمان سنٹر امداد تے انسانی خدمات دے نمائندہ وفد واضح کیتا ہے جو سعودی عرب اپنڑے وعدے کوں پور کریسی ۔وفدد دی سربراہی ڈاکٹر یحیی الشمری کیتی۔انہاں کانفرنس دے انعقاد اتے سرپرستی تے کویت اتے یورپی یونین دا شکریہ ادا کیتا۔ یحیی الشمری آکھیا جو بنگلہ دیش 6 لکھ توں ودھ روہنگیا مسلماناں دی میزبانی کرتے عظیم انسانیت نواز کردار ادا کریندا پیا ہے ۔انہاں آکھیا جو مملکت 20ملین ڈالر امداد دا جیرھا اعلان کیتا ہے ایندا پابند ہے ۔