جان کیری عالمی مسلیں تے مذاکرات سانگے ترائے ملکاں دے دورے تے ویسن

واشنگٹن (پاکستان نیوز پوائنٹ 19اگست 2016ء) امریکا دے وزیر خارجہ جان کیری علاقائی مسلیں دے حل سانگے گالھ مہاڑ کرنڑ سانگے اگلے ہفتے کینیا ،نائجیریا تے سعودی عرب ویسن ،امریکہ محکمہ خارجہ دے ترجمان جا ن کربی ڈسایا جو جان کیری علاقائی مسلیں دے حل سانگے تفصیلی گالھ مہاڑ سانگے اگلے ہفتے انہاں ترائے ملکاں دے سفر کریسن ۔انہاں آکیا جو جان کیری ساریں توں پہلے کینیادے دورے تے ویسن جتھاں او صومالیہ دے سیاسی عدم استحکام تے سوڈان دے امن عمل تے مختلف نمائندیں دے نال میٹنگ کریسن ۔