عالمی ادارہ صحت نیویارک دے سابق مئیر مائیکل بلوم برگ کوں صحت سانگے عالمی سفیر مقررکرڈتا

جنیوا۔(پاکستان نیوز پوائنٹ 18اگست 2016ء) عالمی ادارہ صحت نیویارک دے سابق مئیر مائیکل بلوم برگ کوں صحت سانگے عالمی سفیر مقررکرنڑ دا اعلان کیتا ہے۔میڈیا رپورٹس دے مطابق عالمی ادارہ صحت ولوں جاری تھیونڑ آلے ہک بیان اچ آکھیا گیا ہے جو او سرطان، دل د ے مرض تے بے مہلک تے جان لیوابیماریاں دے خاتمے سانگے حکومت نال رل تے کم کریسن ۔مائیکل بلوم برگ ایں توں پہلے تمباکونوشی دے خاتمے ،سوڈا ٹیکس دے نفاذ اتے صحت دے شعبے اچ بہوں ناں کمایا ہے ۔ادارے دی ڈائریکٹر جنرل مارگریٹ چن آکھیا جو مائیکل بلوم برگ صحت دے شعبے اچ اہداف دے حصول سانگے پورے عزم تے جوش تے جذبے نال کم کریسن۔