سعودی عرب دا مقدس جئیں تے ایل پی جی گیس سلنڈر تے پابندی کوں برقرار رکھنڑدا اعلان

ریاض (پاکستان نیوزپوائنٹ 16اگست 2016ء) سعودی عرب دی حکومت مقامات مقدسہ تے ایل پی جی گیس سلنڈرتے پابندی کوں برقرار رکھنڑ دا اعلان کیتاہے۔سعودی میڈیا دے مطابق سعودی سپریم حج کمیٹی دے سربراہ اتے ولی عہد شہزادہ محمد بن نائف گزریل ڈینھ ڈسایا جو مکہ مکرمہ اتے مدینہ منورہ وچ مقدس جئیں اتے انہاں دے چار اں پاسے کھاونڑ پکاونڑ سانگے ایل پی جی سلنڈر دے استعمال تے پابندی برقرار راہسی۔انہاں منیٰ،مزدلفہ اتے عرفات وچ ایل پی جی سلنڈر گھن آونڑ آلے لوکاں دے خلاف متعلقہ اداریاں کوں کارروائی دی ہدایت وی کیتی۔