سعودی عرب دی کابینہ دی کوئٹہ وچ دہشت گردی دے اجوکے واقعے دی مذمت

ریاض (پاکستان نیوزپوائنٹ 16اگست 2016ء) سعودی عرب دی کابینہ کوئٹہ وچ دہشت گردی دے حالیہ واقعے دی مذمت کیتی ہے۔سعودی اخباردی رپورٹ دے مطابق کابینہ دااجلاس گزریل ڈینھ سعودی عرب دے فرماں روااتے خادم الحرمین الشریفین شاہ سلمان بن عبدالعزیز دی صدارت وچ تھیا۔ اجلاس دے بعد جاری تھیونڑ آلے بیان وچ آکھیاگئے جو سعودی عرب دی کابینہ پاکستان دے شہر کوئٹہ دے ہسپتال وچ بمب دھماکے دی شدید مذمت کریندی ہے جیندے وچ درجناں بے گناہ شہری جاں بحق تھئے۔کابینہ تھائی لینڈ اتے شام وچ دہشت گردی دے واقعات دی وی مذمت کیتی ہے۔