ناگاساکی تے ایٹمی حملے کوں 71 سال تھی گن

ٹوکیو (پاکستان نیوزپوائنٹ 10اگست 2016ء) جاپانی شہر ناگاساکی تے امریکا ولوں ایٹم بمب سٹنڑ دے واقعے دے 71 سال مکمل تھیونڑ تے شہر وچ خصوصی تقریب منعقد کیتی گئی۔ شہر دے ’امن پارک‘ وچ منعقد کیتی گئی ایںتقریب وچ ہزاراں شہریاں دے علاوہ 53 ملکاں دے نمائندے وی شریک تھئے۔ ناگاساکی دی میئر ایں موقع تے عالمی رہنماواں تے زور ڈتا جوا وہ دنیا کوں جوہری ہتھیاراں توں پاک کرنڑ دی ہر ممکن کوشش کرین۔ چھی اگست کوں ہیرو شیما تے پہلے ایٹمی حملے دے بعد امریکا نوں اگست کوں ناگا ساکی تے ایٹم بمب سٹیا ہائی جیندے نتیجے وچ 74 ہزار بندے ہلاک تھی گئے ہن۔