تریمتاں اپنڑے گھر آلے دی مرضی دے بغیر سفر نی کر سگدیاں ،سعودی عالم دین

ریاض (پاکستان نیوزپوائنٹ 10اگست 2016ء) سعودی عالم دین تریمتاں کوںسفر کرنڑ سانگے گھر آلے دی اجازت گھنڑ ضروری قرار ڈے ڈتا۔عرب خبر رساں ادارے دے مطابق سعودی علماءکونسل دے رکن عالم دین شیخ عبداللہ المنئی اپنڑے ہک بیان وچ آکھیا ے جو شادی دے بعد سوانڑیںدا قنونی سرپرست ایندا گھرآلاہوندا ہے ایںخاطر تریمت اپنڑے گھر آلے دی اجازت دے بغیر سفر نی کر سگدی چاہے او اپنڑے پیو دے نال ای کیوں نہ ویندی پئی ہوئے۔ انہاں آکھیا جو اگر کوئی شوہر بغیر کہیں وجہ دے اپنڑی گھر آلی کوں اجازت نی ڈینداتاں ا یہ وی نا مناسب ہے ایںمسئلے بارے تریمت عدالت نال رجوع کر سگدی ہے۔