فرانس دے سابق صدر نکولس سرکوزی گرفتار

پیرس(پاکستان نیوزپوائنٹ 20مارچ2018ء) فرانس دے سابق صدر نکولس سرکوزی کوں عدالت دے حکم تے انتخابی مہم دے دوران مالی بد عنوانی کرنڑ دی وجہ توں حراست اچ گھن گھدا گے ۔عالمی ذرائع ابلاغ دے مطابق نکولس سرکوزی کوں منگل دی سویل عدالت اچ پیشی دے موقع تے گرفتار کرنڑ دا حکم ڈتا ۔واضح رہے جو سابق صدر نکولاسرکوزی تے 2007دے صدارتی انتخابات اچ ودھ ساری رقم گھننڑ سمیت مختلف الزاماں اچ مقدمے زیر سماعت ہن ۔سرکوزی بارے اے الزام ایں توں پہلے وی لاتے گے ہن جیں اچ آکھیا گیا ہئی جو انہاں 22ملین یورو دے فنڈز دے استعمال کرنڑ دی بجائے 55ملین یورو دے فنڈ استعمال کرنڑ دا بل پیش کیتا ہئی ۔