برازیل،8ویںورلڈ واٹر فورم دا آغاز، 2050تئیں پانڑیں دی گھٹکی دے مسئلے دا شکار لوکاں دی تعداد 5.7ارب تئیں پج سگدی اے

برازیلیہ (پاکستان نیوزپوائنٹ 20مارچ2018ء) برازیل دے صدر میشل ٹیمر پانڑیں تے ہک بین الاقوامی کانفرنس دا افتتاح کرڈتا ۔ عالمی ذرائع ابلاغ دے مطابق 8ویںورلڈ واٹر فورم اچ 15 سربراہان مملکت، 300 توں ودھ میئر تے ہزاراں ماہرین سمیت 40 ہزار مندوبین شرکت کریندے پن ۔اے کانفرنس ہک ایجھے موقع تے تھیندی پئی اے جداں اقوام متحدہ ہنڑیں ہی 2018دی ورلڈ واٹر ڈویلپمنٹ رپورٹ جاری کیتی اے ۔ایں رپورٹ اچ ڈسایا گے جو ساری دنیا اچ 3.6ارب لوک ایجھیاں جہیں تے رہندن ،جتھاں سال اچ گھٹ توں گھٹ ہک مہینہ پانڑیں دی گھٹکی دا مسئلہ موجود اے ۔2050تئیں ایجھے لوکاں دی تعداد ودھ تے 5.7ارب تئیں پج سگدی اے ۔