سعودی عرب ، 24 گھنٹے اچ برڈ فلو دے ترائے مریض سامنڑے آگن

ریاض(پاکستان نیوزپوائنٹ 15فروری2018ء) سعودی وزارت ماحولیات واضح کر ڈتے جو گزریل24گھنٹے اچ برڈ فلو دے ترائے مریض ریکارڈ اچ ہن ۔سعودی اخبار دے مطابق وزارت ولوں جاری اعلامیے اچ آکھیا گے جو ریاض، دمام اتے الزلفی اچ گزریل 24 گھنٹے دے دوران برڈ فلو توں متاثرہ مزید 3 مریض ریکارڈ تے آگن ایندے نال مرض دے شروع تھیونڑ توں گھن تے ہنڑ تئیں مملکت دے سارے علاقیں توں 7503نمونے حاصل کیتے گے ہن جیں اچوں 129دیاں رپورٹاں مثبت آیاں۔ 1 لکھ 14ہزار 62 پرندیں توں گزریل 24گھنٹے دے دوران چھٹکارا حاصل کیتا گیا جیں اچوں ہک لکھ 10ہزار مرغی فارم تے 4062دیہاتی سکیماں دے تحت پلنڑ آلے پکھی شامل ان۔