فلوریڈا (پاکستان نیوزپوائنٹ 15فروری2018ء) امریکا دی ریاست فلوریڈا دے شہر پارک لینڈ اچ واقع ہائی سکول اچ فائرنگ دے واقعے اچ گھٹ توں گھٹ 17 بندے ماریے گن پولیس ہک متشبہ بندے کوں گرفتار کرگھدے۔برطانوی نشریاتی ادارے دے مطابق فائرنگ کرنڑ آلا مشتبہ شخص دی شناخت 19 سالہ نکولوس کروز دے ناں نال تھیاے جیرھا جو ہک سکول دا طالب علم اے تے اینکوںسکولوں کڈھیا گیاہا۔
قانون نافذ کرنڑ آلے اہلکاراں ڈسائے جو ملزم فائرنگ کرنڑ توں پہلے فائر الارم وجایا جیں نال افراتفری تھی۔بروارڈ کاونٹی شیرف سکاٹ اسرائیل صحافیاں کوں ڈسایا جو نکلولس کروز ہک رائفل استعمال کیتی تاں جو ایں ڈے ودھ ساریاں میگزینز ہن۔انہاں آکھیے جو سکول دے باہر توں فائرنگ کرنڑ شروع کیتی جتھاں ترئے بندے ہلاک تھن ۔ ایندے بعد او عمارت اچ داخل تھے تے مزید 12لوکاں کوں ہلاک کر ڈتا جڈاں جو مزید 2 لوکاں دی ہلاکت ہسپتال اچ تھی۔
ایں موقعے تے طالبعلم کلاس رومز اچ لک گے جڈاں جو پولیس عمارت کوں خالی کروایا۔صدر ڈونلڈ ٹرمپ فلوریڈا دے حکام کوں وفاقی حکومت ولوں مدد کرنڑ دی پیشکش کیتی اے ۔اپنڑے ٹویٹ اچ صدر اہل خانہ سانگے دعائیں تے تعزیتی کلمات آکھیے ۔ایوری ٹاون فار گن سیفٹی دے مطابق گزریل ڈینھ تھیونڑ آلے حملہ اجوکے سال کہیں سکول یا ایندے نیڑے تھیونڑ آلا 18واں واقعہ اے۔
