لاہور(پاکستان نیوزپوائنٹ12جنوری2018ء) ورلڈ ہاکی الیون ڈو میچاں دی سیزیر کھیڈنڑ کیتے 18جنوری کوں پاکستان پج ویسی جیں دی کوریج کیتے پی ایچ ایف دے میڈیا ڈیپارٹمنٹ ایکریڈیٹیشن کارڈ بنڑاونڑ د اکم شروع کر ڈتا ہے ۔ ورلڈ الیون دے خلاف پہلا میچ 19جنوری کوں کراچی جڈاں جو ڈوجھا میچ 21 جنوری کوں لاہور اچ کھیڈیا ویسی ۔ ورلڈ الیون 18 جنوری کوں کراچی آسی جیں اچ ہالینڈ، سپین، ارجنٹائن، آسٹریلیا، بیلجیئم، ملیشیاءاتے جنوبی کوریا دے کھلاڑی شامل ہن جڈاں جو ورلڈ ریکارڈ ہولڈر سہیل عباس ورلڈ الیون دی نمائندگی کریسن ۔
ہال آف فیم اچ 5کھلاڑی پنلٹی کارنر سپیشلسٹ فلورنس جان بوولینڈر، پال لیجن، کرسچن بلنک، ڈان پرائر اور رکی چارلس ورتھ شامل ہن۔ پاکستان توں اصلاح الدین، حسن سردار، شہناز شیخ، اختر رسول اتے شہباز سینئر کوں ایوارڈ ڈتا ویسی ۔ پاکستان ہاکی فیڈریشن (پی ایچ ایف) ولوں جاری تفصیلات دے مطابق ہاکی ورلڈ الیون چارڈینہاں دے دورے تے 18 جنوری کوں پاکستان آسی جڈاں جو ورلڈ الیون دے 16 کھلاڑی براستہ دبئی کراچی آﺅسن۔
