بھوبنشوار (پاکستان پوائنٹ نیوز 04 دسمبر 2018ء) ورلڈ کپ ہاکی ٹورنامنٹ اچ پاکستانی ٹیم کوں ڈوجھا اتے اہم میچ اچ (اج) بدھ کوں ملائیشیا دا چیلنج درپیش ہوسی۔ گرین شرٹس پہلا میچ اچ جرمنی دے ہتھوںہارگئے ہن۔ تفصیل مطابق بھارت اچ جاری میگا ایونٹ اچ شریک ٹیماں وچال عالمی ٹائٹل جیتنڑ سانگے زبردست مقابلے جاری ہن۔ ٹورنامنٹ اچ (اج) بدھ کو ںپول ڈی دے ڈو میچ کھیڈے ویسن ایں سلسلے اچ پہلا میچ پاکستان اتے ملائیشیا دیاں ٹیماں وچال کھیڈیا ویسی جڈاں جو ڈوجھا میچ جرمنی اتے ہالینڈ وچال کھیڈیا ویسی ۔
ٹائٹل دی دوڑ اچ شامل رہونڑ سانگے گرین شرٹس کوں ایں میچ اچ لازمی طور تے جیت چاہیدی ہے۔ ہارن دی صورت اچ پاکستانی ٹیم دے اگلے مرحلے اچ پجنڑ دے امکان وی مک ویسی۔ پاکستانی ٹیم ایونٹ اچ اپنڑاں تریجھا اتے چھیکڑی میچ 9 دسمبر کو ںہالینڈ دے خلاف کھیڈسی۔
