پاکستان اتے نیوزی لینڈ دیاں کرکٹ ٹیماں وچال پہلا ٹیسٹ میچ 17 نومبر توں شروع تھیسی

کرائسٹ چرچ (پاکستان نیوز پوائنٹ 14نومبر2016ء) پاکستان اتے نیوزی لینڈ دیاں کرکٹ ٹیماں وچال ڈو ٹیسٹ میچاں تے مشتمل سیریز دا پہلا میچ (خمیس )17 نومبر توں کرائسٹ چرچ وچ شروع تھیسی۔ تفصیلات دے مطابق قومی کرکٹ ٹیم مصباح الحق دی قیادت وچ نیوزی لینڈ دے خلاف ڈو ٹیسٹ میچاں دی سیریز کھیڈنڑ سانگے نیوزی لینڈوچ موجود ہے، انہاں د اآکھنڑ ہا جو انہاں دی ٹیم مکمل طور تے فٹ اتے بھر پور فارم وچ ہے اتے کیویز ٹیم دا مقابلہ کرنڑ سانگے تیار ہے۔ ڈوہائیں ٹیماں وچال پہلا ٹیسٹ 17 توں 21 نومبر تئیں ہیگلے اوول، کرائسٹ چرچ جڈانجو ڈوجھاا تے چھیکڑی ٹیسٹ 25 توں 29 نومبر تئیں سیڈن پارک، ہیملٹن وچ کھیڈیا ویسی۔