بھارت اتے نیوزی لینڈ وچال پنجواں اتے چھیکڑی ون ڈے کرکٹ میچ (اج) کھیڈیا ویسی ڈوہائیں ٹیماں وچال ون ڈے سیریز 2-2 نال برابر

وشاکا پٹنم (پاکستان نیوز پوائنٹ 28اکتوبر2016ء) بھارت اتے نیوزی لینڈ وچال پنجواں اتے چھیکڑی ون ڈے کرکٹ میچ (اج) ہفتے توں وشاکا پٹنم وچ کھیڈیا ویسی۔ ڈوہائیں ٹیماں وچال ون ڈے سیریز 2-2 نال برابر ہے۔ ڈوہائیں ٹیماں دے کپتاناں سیریز وچ کامیابی سانگے بیان ڈتے ہیں اتے توقع کیتی ویندی پئی ہے جو ون ڈے سیریز داپنجواں اتے چھیکڑی میچ کانٹے دار ہوسی۔ ون ڈے سیریز دے پہلے میچ وچ بھارت کیویز کوں 6 وکٹاں نال ہرایا ہا، ڈوجھے میچ وچ کیویز شاندار کم بیک کریندے ہوئیں میزبان ٹیم کوں 6 سوکاراں توں ہرا یا ہا، تریجھے میچ وچ بھارت ہک وار ولا کیویز کوں 7 وکٹاں توں ہرایااتے سیریز وچ 2-1 دی برتری حاصل کیتی، نیوزی لینڈ دی ٹیم چوتھے میچ وچ بھارت کوں 19 سکوراں توںہرا تے سیریز 2-2 نال برابر کرڈتی۔