پاکستان دا ویسٹ انڈیز دے خلاف ڈوجھے ٹیسٹ میچ وچ ٹاس جیت تے پہلے بیٹنگ دا فیصلہ

ابو ظہبی (پاکستان نیوز پوائنٹ 21اکتوبر2016ء) پاکستان اتے ویسٹ انڈیز دیاں کرکٹ ٹیماں وچال شیخ زید سٹیڈیم، ابوظہبی وچ شروع تھیونڑ آلے ڈوجھے ٹیسٹ میچ وچ پاکستان دے کپتان مصباح الحق ٹاس جیت تے پہلے بیٹنگ دافیصلہ کیتا، پاکستانی ٹیم وچ ترائے تبدیلیاں کیتیاں گن ، بابر اعظم کوں ڈراپ کرتے تجربہ کار بلے باز یونس خان کوں ٹیم دا حصہ بنرایا گئے، محمد عامر اتے وہاب ریاض کوں ریسٹ ڈتا گئے اتے انہاں دی جاہ تے راحت علی اتے ذوالفقار بابر کوں ٹیم وچ شامل کیتا گئے ۔ ویسٹ انڈیز ٹیم وی ہک تبدیلی کیتی ہے، ڈورچ کوں ڈراپ کرتے شائی ہوپ کوں ٹیم وچ شامل کیتا ہے۔ واضح رہوے جو پاکستان کوں ترائے میچان دی سیریز وچ 1-0 دی برتری حاصل ہے۔