لاہور(پاکستان نیوز پوائنٹ 28ستمبر 2016ء) پاکستان کرکٹ بورڈ دے چیئرمین شہر یار خان اتے پی سی بی ایگزیکٹو کمیٹی دے سربراہ نجم سیٹھی ویسٹ انڈیز دے خلاف ٹی ٹونٹی سیریز 3-0توںجیت ونجنڑ تے قومی ٹی ٹونٹی ٹیم دے کپتان سرفراز احمد ،ہیڈ کوچ مکی آرتھر ،منیجر وسیم باری اتے ٹیم دے سارے اراکاناں کوں مبارخبادڈتی ہے۔ انہاں ٹیم دے کپتان اتے ٹیم مینجمنٹ دے ناں اپنڑے ہک پیغام وچ آکھیا ہے جو ورلڈ ٹی ٹونٹی چیمپئن ویسٹ انڈیز ٹیم کوں سیریز دے ترائے میچاںوچ ہراونڑپاکستانی کھلاڑیاں دی چنگی محنت اتے ٹیم ورک دا نتیجہ ہے ۔
ٹیم سیریز دے دوران چنگی بیٹنگ ،بولنگ ،فیلڈنگ اتے ڈسپلن دامظاہرہ کیتا ۔انہاں ایں خواہش دا اظہار کیتا جو ٹیم سیریزدے آندے میچاں وچ وی اپنڑی پرفارمنس داتسلسل برقرار رکھیندے ہوئیں بئیاں کامیابیاں حاصل کریسی ۔
