کیپ ٹاﺅن (پاکستان نیوز پوائنٹ 27ستمبر 2016ء) عالمی چیمپئن آسٹریلیا اتے جنوبی افریقہ وچال ون ڈے سیریز داآغاز 30 ستمبر توں تھیسی۔ میچ ڈے اینڈ نائٹ ہوسی اتے سپر سپورٹس پارک، سنچورین وچ کھیڈیا ویسی، ڈوہائیں ٹیماں وچال سیریز دا ڈوجھا ون ڈے 2 اکتوبر کوں جوہانسبرگ وچ کھیڈیا ویسی، تریجھا میچ 5 اکتوبر ڈربن وچ کھیڈیا ویسی، چوتھا میچ 9 اکتوبر پورٹ الزبتھ وچ کھیڈیا ویسی جڈانجو ڈوہائیں ٹٰیماں وچال سیریز دا پنجواں اتے چھیکڑی میچ 12 اکتوبر کوں کیپ ٹاﺅن وچ کھیڈیا ویسی۔
آسٹریلوی قائد سٹیون سمتھ اپنڑے ہک بیان وچ آکھیا ہے جو پروٹیز ٹیم ہوم گراﺅنڈ تے ہمیشہ خطرناک حریف ثابت تھئی ہے ایندے خلاف سیریز وچ کامیابی سانگے کھلاڑیاں کوں کھیڈ دے سارے شعبیاں وچ صلاحیتاں توں ودھ تے کارکردگی ڈکھاونڑ پوسی ۔
