دبئی (پاکستان نیوزپوائنٹ 04اپریل 2018ء) آئی سی سی نویں ٹی ٹوئنٹی رینکنگ جاری کر ڈتی اے جیندے اچ پاکستانی کھیڈاڑی چھا گئن،بابر اعظم نمبر ون بلے بازبنڑ گن جڈاں جو بالراں اچ لیگ سپنر شاداب خان دی ڈوجھی پوزیشن اے ایندے نال او ٹاپ رینک پاکستانی بالر بنڑ گن۔فاسٹ بالر محمد عامر 15 درجے ٹپا مار تے 12ویں نمبر تے آ گئے، حسن علی دی 10 درجے بلانگ اتے شعیب ملک ٹاپ ٹین آل راﺅنڈرزاچ ناں پوا گھدے،ڈوجھے پاسو کھبے بیٹسمین حسین طلعت دی 54ویں پوزیشن نال انٹری تھئی اے۔
لیفٹ آرم سپنر ، محمد نوازوی بلانگ بھر تے 53ویں ہوزیشن تے جاہ بنڑائی اے۔اوپنر بلے باز فخر زمان 15 درجے جمپ لا تے ٹاپ ففٹی اچ وڑ آئن۔کپتان سرفراز احمددا 53وان نمبر اے۔بالراں اچ افغانستان دے راشد خان پہلے نمبرتے ہین۔ آل راﺅنڈرز اچ گلین میکسویل پہلے نمبر تے ہین۔
