پاکستان جونیئر ورلڈکپ دے وارم اپ میچ اچ نمیبیا کوں190 سکوراں توں ہرا ڈتا

لاہور(پاکستان نیوزپوائنٹ08جنوری2018ء) پاکستان جونیئر ورلڈکپ توں پہلے وارم اپ میچ اچ نمیبیا دی ٹیم کوں 190 سکور توں ہرا ڈتے۔ پاکستان ٹیم ولوں شاندار بیٹنگ دامظاہرہ کریندے ہوئیں محمد محسن خاں 102، محمد طلحہ 56 اتے علی زریاب51 سکور بنڑائے۔ پاکستان پہلے کھیڈتے 297 سکور بنڑائے اتے نمیبیا دی ٹیم کوں میچ اچ کامیابی سانگے 298 دا ہدف ڈتا۔ نمیبیا دے جان آئزک 3 کھلاڑیاں کوں آﺅٹ کیتا۔ نمیبیا دی پوری ٹیم 107 تے آﺅٹ تھی گئی۔ پاکستان ولوں شاہین آفریدی اتے محمد طلحہ 3،3 جڈانجو محمد موسیٰ 2 کھلاڑیاں کوں آﺅٹ کیتا ۔