نیوزی لینڈ اتے ویسٹ انڈیزوچال پہلا ون ڈے (سبھائیں )کھیڈیا ویسی

ویلنگٹن (پاکستان نیوزپوائنٹ 18دسمبر2017ء) نیوزی لینڈ اتے ویسٹ انڈیز دیاں کرکٹ ٹیماں وچال ترائے ون ڈے میچاں دی سیریز داپہلا میچ (سبھائیں) بدھ کوں کھیڈیا ویسی۔ ایں توں پہلے میزبان ٹیم نیوزی لینڈ ڈو ٹیسٹ میچاں دی سیریز کلین سویپ کر چکی اے۔ کیویز پہلے کرکٹ ٹیسٹ میچ اچ ویسٹ انڈیزکوں ہم اننگز اتے 67 رنزتوں ہرائے جڈاں جو ڈوجھے اتے چھیکڑی ٹیسٹ میچ اچ ویسٹ انڈیز کوں 240 رنزتوں ہرا تے کیلن سویپ کیتے۔ ڈوہاں ٹیماں وچال ڈوجھا ون ڈے 23 دسمبر جڈاں جو تریجھا اتے چھیکڑی 26 دسمبر کوں کھیڈیا ویسی۔ ڈوہائیں میچ کرائسٹ چرچ اچ کھیڈیے ویسن۔