افغانستان اتے آئرلینڈدا ڈوجھا ون ڈے کرکٹ میچ (اج) کھیڈا ویسی

شارجہ(پاکستان نیوزپوائنٹ 06دسمبر2017ء) افغانستان اتے آئرلینڈ دیاں کرکٹ ٹیماں وچال ترائے میچاں دی سیریز دا ڈوجھا میچ (اج)خمیس آلے ڈینہہ شارجہ کرکٹ سٹیڈیم اچ کھیڈا ویسی۔ ایں توں پہلے افغان ٹیم آئی سی سی انٹر کانٹی نینٹل کپ اچ یو اے ای کوں 10 وکٹاں تو ہرا چکی اے۔جڈاں جو آئرلینڈ سکاٹ لینڈ کوں ہرایا ہئی۔ڈوہاں ٹیماں دی ترائے میچاں دی سیریز دا تریجھا اتے اخیری ون ڈے 10 دسمبرکوں تھیسی۔ اے سارے میچ شارجہ کرکٹ سٹیڈیم اچ تھیسن۔