عالیہ اتے رنبیر ہک بئے نال پیار کریندن، مہیش بھٹ دی تصدیق

ممبئی(پاکستان پوائنٹ نیوز11دسمبر 2018ء) بالی وڈ ہدایت کارمہیش بھٹ اپنڑیں دھی عالیہ بھٹ اتے رنبیر کپور دے ہک بئے نال پیار محبت دی تصدیق کر ڈتی ہے۔ بھارتی ذرائع ابلاغ مطابق ہدایت کار مہیش بھٹ اپنڑے حالیہ انٹرویو اچ اپنڑیں دھی عالیہ بھٹ اتے اداکار رنبیر کپور دے پیار محبت دا اعتراف کریندے ہوئیں آکھیے جو اوہ ہک بئے نال پیار کریندن۔ انہاں دا آکھنڑ ہا جو میکوں رنبیر کپور پسند ہن اتے ا وہ ہک چنگا چھوکرا ہے لیکن شادی دا معاملہ ہک ایجھی شئے ہے جیرھاانہاں ڈوہائیں کوں خود حل کرنڑ پوسی کیونجو میں ایجھابندہ کائنی ہاں جو ایں گالھ دا اندازہ لاونڑ لگ پوواں جوانہاں ڈوہائیں د ی شادی کڈاں تھیسی یا انہاں دوہائیں دا رشتہ کہیڑے پاسے ویسی۔