اسلام آباد (پاکستان پوائنٹ نیوز24دسمبر 2018ء) ٹیلی ویژن دے معروف فنکار، ڈائریکٹر، پروڈیوسر، گلوکار، رائٹر اتے کامیڈین معین اختر دا یوم پیدائش سنوار کوں منایا گیا۔ معین اختر 24 دسمبر 1950ءکوں کراچی اچ جمے۔ انہاں اپنڑاں کیریئر سٹیج ایکٹر دے طور تے 16 سال دی عمر توں کیتا ،انہاں دی صلاحیتاں کوں عالمی سطح تے وی منیا گیا۔ معین اختر کوںسینما اتے ٹی وی سانگے محبت پاروں ساری دنیا اچ عزت اتے احترام دی نظر نال ڈٹھا ویندے۔
انہاںاپنڑے معروف پروگرام لوز ٹاک دے ذریعے لکھاں لوکیں کوں اپنڑاں دیوانہ بنڑایا ۔انہاں معروف شاعر انور مقصود دے کٹھے 400 توں ودھ مختلف کردار ادا کیتے۔ صنعت دی ترقی سانگے انہاں دی خدمات دی فہرست وڈی لمبی ہے۔ ہک مزاحیہ اداکار اتے فنکار دے نال نال معین اختر ہک بہترین میزبان وی ہن ۔انہاںاپنڑے کیریئر دوران کئی پروگراماں دی میزبانی وی کیتی۔ اردن دے شاہ حسین سمیت بے نظیر بھٹو، ذوالفقار علی بھٹو، ضیاءالحق سمیت کئی سیاسی شخصیات دے پروگراماں دی میزبانی کیتی۔ ورسٹائل ڈرامہ ایکٹر 32 توں ودھ ڈراماں اچ اپنڑیاں صلاحیتاں دا مظاہرہ کیتا۔ فلم، ٹی وی، سٹیج سمیت بئے شعبیں اچ معین اختر دی خدمات کوں ہمیشہ یاد رکھیا ویسی۔
