اسلام آباد (پاکستان پوائنٹ نیوز24دسمبر 2018ء) اردو دے معروف شاعر قتیل شفائی دا یوم پیدائش سنوار24 دسمبر کوں عزت تے احترام نال منایا گیا۔ قتیل شفائی دی پیدائش 24 دسمبر 1919ءکو ںہری پور ہزارہ اچ تھئی۔انہاں دا اصل ناں محمد اورنگزیب ہا جڈاں جو انہاں 1938ءاچ اپنڑاں قلمی ناںقتیل شفائی رکھیا۔ قتیل انہاں دا تخلص ہا، انہاں اپنڑے استاد حکیم محمد شفاءدے احترام اچ قتیل دے نال شفائی دا ودھارا وی کیتا۔
1946ءاچ نذیر احمد انہاں کوں لہور سڈوایا تاںاوہ معروف ادبی رسالے ماہنامہ ادب لطیف اچ بطور اسسٹنٹ ایڈیٹر خدمات سرانجام ڈتیاں۔ ایہ ادبی رسالہ 1936ءتوں چھپدا پیا ہا۔ انہاں دی پہلی غزل ہفت روزہ سٹار اچ چھپی جیندی تصحیح قمر جلال آبادی کیتی ہائی۔ جنوری 1947ءاچ لہور دے فلم پروڈیوسرانہاں توں فلم سانگے نغمے لکھنڑ دی درخواست کیتی اتے انہاں پہلی واری ”تیری یاد“ فلم سانگے گاونڑ لکھے۔
قتیل شفائی وڈے مشہور اتے ہردلعزیز شاعر ہن۔ انہاں دے لہجے دی سادگی تے سچائی، عام زبان دا استعمال اتے عوام الناس دے جذبات تے محسوسات دی خوبصورت ترجمانی ہی اصل اچ انہاں دی مقبولیت دا اصل راز ہے۔انہاں دی خدمات دے اعتراف اچ انہاں کوں 1994ءاچ صدارتی تمغہ برائے حسن کارکردگی، آدم جی ادبی ایوارڈ، امیر خسرو ایورڈ، نقوش ایورڈز ڈتے گئے جڈاں جو ایندے علاوہ بھارت دی مگھد یونیورسٹی دے ہک پروفیسر ”قتیل اتے انہاں دے ادبی کارنامے“ دے عنوان نال ان ہاں تے پی ایچ ڈی وی کیتی ہوئی ہے۔
بھارتی ریاست مہاراشٹر اچ انہاں دیاں ڈو نظماں نصاب اچ شامل ہن ۔ بہاولپور یونیورسٹی دی ڈو طالبات ایم اے سانگے انہاں تے مقالہ جات وی لکھے ہن ۔ قتیل شفائی 11 جولائی 2001ءکوں فوت تھی گئے۔ انہاں دے جمنڑے دے ڈینھ دے موقع تے مختلف ادبی تنظیماں ولوں مختلف تقریبات اچ انہاں دی خدمات کوں خراج تحسین پیش کیتا گیا۔
