فیصل آباد(پاکستان پوائنٹ نیوز10دسمبر 2018ء) ملک دے سرائیکی زبان دے نامور گلوکار تے فنکارصدارتی ایوارڈ و لائف ٹائم اچیومنٹ ایوارڈ دے حامل سرائیکی گائیک منصورعلی ملنگی داتریجھا ورہینڑاں اج منگل دے ڈینھ منایا ویسی ۔ منصورعلی ملنگی11دسمبر 2015 ءکوں جھوک لڈا گے ہن ۔ انہاں دے ورہینڑیں تے مختلف شہراں اچ مرحوم دے رشتے دار تے عزیز و اقارب ولوں خصوصٰ تعزیتی تقریباں دا انعقاد کیتا ویسی ۔
کڈنڑ ولسوسوہنڑاں سانولا وطن ساڈے غریباں ڈے، میڈے دل داجانی، کیہڑی غلطی ہوئی اے ظالم، کیا حال سنڑاواں دل دا ۔ ہک پھل موتیے دا مارکے جگاسوہنی اے، بے درد ڈھولا ااینویں نئی کریندا، مینکوں تیرے جیا سوہنڑاں کوئی لبھدا ناں،کالا تل ماہی دا، جلدی ناں کر،اج کل اکھ پھڑکدی اے،اللہ بادشاہ ہو ،اساں بے قدراں نال لائیاںاکھیاں، گزرگیا ڈینھ سارا ، محبت روگ ہے دل داسمیت ہزاراں ، سرائیکی ، اردو غزلاں ، نظماں ، گاونڑ ، ماہیے ، ڈوہڑے، گاونڑ آلے ممتاز گلوکار منصورعلی ملنگی نہ صرف پاکستان کیتے بلکہ چنڈ چنڈ اچ اپنڑی فنکاری تے گلوکاری دی دھاک بلہا ڈتی بلکہ بلکہ پوری دنیا دے ملک امریکہ ، کینیڈا، برطانیہ ، جاپان، بھارت، سعودی عرب اتے بئے کئی یورپی ملکاں اچ وی پرفارم کیتا ۔
مرحوم کوں صدارتی ایوارڈ ، لائف ٹائم اچیومنٹ ایوارڈ سمیت درجناں ملکی ایوارڈز نال نوازیا گیا ۔مرحوم دے 500توں ودھ آڈیو و ویڈیو البم مارکیٹ اچ موجود ہن جیرھے جو ساری عمر انہاں دے پرستاراں ، کوں مسحور کرنڑ سمیت انہاں دی یاد ڈویسن ۔ منصور ملنگی دی وفات نال سرائیکی لوک گلوکاری دے میدان اچ بہوں وڈا خلا پیدا تھی گے جیرھا جو صدیاں تئیں پر نہ تھیسی۔
