اسلام آباد (پاکستان پوائنٹ نیوز27دسمبر 2018ء) جاری مالی سال 2018-19 دے پہلے پنج مہیناں اچ جولائی توں نومبر 2018ءدوران کھاونڑ پیونڑ دیاں شئیں دی مجموعی قومی درآمدات اچ 9.28 فیصد گھٹکی تھی ہے۔ ادارہ برائے شماریات پاکستان (پی بی ایس) دے اعدادو شمار مطابق جولائی توں نومبر 2017ءدوران غذائی مصنوعات دی قومی درآمدات دا حجم 2 ارب 72 کروڑ 5 لکھ 19 ہزار ڈالر رہیا جیرھا 9 فیصد توں ودھ گھٹکی دے نتیجہ اچ جولائی توں نومبر 2018ءدوران 2 ارب 46 کروڑ 81 لکھ 23 ہزار ڈالر تئیں گھٹ گیا۔
جولائی توں نومبر 2017ءدے مقابلے اچ جولائی توں نومبر2018ءدوران غذائی اجناس دی مجموعی ملکی درآمدات اچ 25 کروڑ 23لکھ 96 ہزار ڈالر دی گھٹکی ریکارڈ کیتی گی ہے۔ پی بی ایس مطابق گزریل مالی سال دے مقابلے اچ جاری مالی سال دوران کھاونڑ پیونڑ دیاں شئیں دے شعبہ اچ خشک فروٹاں اتے میویاںدی درآمدات اچ سبھ توں ودھ 79.89 فیصد جڈاں جو سویابین آئل دی درآمدات اچ 58.35 فیصد اتے چینی دی درآمدات اچ 41.16 فیصد دی گھٹکی ریکارڈ کیتی گی ہے۔
