پنج سال دوران پانڑیں نال بجلی بنراونڑ دے 562 چھوٹے پلانٹ لاتے گئے، پاکستان کونسل آف رینیو ایبل انرجی اینڈ ٹیکنالوجیز

اسلام آباد (پاکستان پوائنٹ نیوز27دسمبر 2018ء) گزریل پنج سال دوران پانڑیں نال بجلی پیدا کرنڑ دے562 چھوٹے پلانٹ لاتے گئے ہن۔ پاکستان کونسل آف رینیو ایبل انرجی اینڈ ٹیکنالوجیز حکام آکھیے جو توانائی دے شعبہ دی ترقی اتے توانائی دی ضرورتان پوریاں کرنڑ سانگے متبادل ذرائع نال سستی بجلی بنڑاونڑ تے خصوصی توجہ ڈتی ویندی پی ہے ۔انہاں آکھیاجو گزریل پنج سال دوران ملک دے مختلف علاقیاں اچ 562 مائیکرو ہائیڈل پاور پلانٹس لاتے گئے،جنہاں اچ 9.7 میگا واٹ شفاف اتے سستی بجلی بنڑائی ویندی پی ہے ۔انہاں آکھیے جو مائیکرو ہائیڈل پاور پلانٹس نال پیدا تھیونڑ آلی بجلی توں 80 ہزار توں ودھ گھراں دی بجلی دی ضرورتاں پوریاں کیتیاں ویندیاں پن۔