اسلام آباد (پاکستان پوائنٹ نیوز27دسمبر 2018ء) جاری مالی سال 2018-19ءدے پہلے پنج مہینے اچ جولائی توں نومبر دوران پاکستان دے تجارتی خسارے اچ 2.03 فیصد دی گھٹکی تھی ہے۔ ادارہ برائے شماریات پاکستان (پی بی ایس) دے اعدادو شمار مطابق جاری مالی سال اچ جولائی توں نومبر 2018ءدوران قومی برآمدات اچ 1.29 فیصد دے ودھارے نال برآمدات دا حجم 9120 ملین ڈالر تئیں ودھ گئے ،جولائی توں نومبر 2017ءدوران 9004 ملین ڈالر دی برآمدات کیتی گی ہن ۔
گزریل مالی سال دے مقابلے اچ جاری مالی سال دے پہلے پنج مہیناں دوران قومی برآمدات اچ 116 ملین ڈالر یعنی 1.29 فیصد دا ودھارا تھئے۔ پی بی ایس مطابق گزریل مالی سال دے مقابلے اچ جاری مالی سال دے ایں دوران مجموعی قومی درآمدات اچ 0.78 فیصد گھٹکی تھئی اتے جولائی توں نومبر 2017ءدوران 23 ارب 81کروڑ 8 دی درآمدات دے مقابلے اچ جولائی توں نومبر 2018ءدوران درآمدی بل 23ارب 63 کروڑ 30 لکھ ڈالر تئیں گھٹ تھی گئے۔
پی بی ایس مطابق گزریل مالی سال اچ جولائی توں نومبر 2017ءدوران ملک دا تجارتی خسارہ 14 ارب 81 کروڑ 4لکھ ڈالر ہا جیرھا جو جاری مالی سال اچ جولائی توں نومبر 2018ءدوران 14 ارب 51 کروڑ 3لکھ ڈالر تئیں گھٹ تھی گئے۔ گزریل مالی سال دے مقابلے اچ جاری مالی سال دوران تجارتی خسارہ اچ 30کروڑ 10 لکھ ڈالر یعنی 2فیصد توں ودھ دی گھٹکی ریکارڈ کیتی گی ہے۔
