اسلام آباد (پاکستان نیوزپوائنٹ20اکتوبر2017ء) قومی ادارہ صحت بنیادی صحت نال تعلق رکھنڑ آلے حکام کوں ہدایت کیتی ہے جو ڈینگی وائر س کوں روکنڑ سانگے تدراک کیتے تیاریاں دی سطح کوں مستحکم تے بہتر بنڑایا ونجے ۔این آئی ایچ دے حکام دے مطابق ڈینگی دے مشتبہ مریضاں دی تعداد اچ ودھارا تے ماضی دے موسمی رحجان کوں سامنڑے رکھیندے ہوئیں اے بہوں ضروری تھی گیا ہے جو صورت حال تے کڑی نظر رکھی ونجے تے وائرس دے مزید کھنڈنڑ کوں روکنڑ سانگے اقدامات کوں یقینی بنڑایا ونجے ۔
انہاں آکھیا جو ایں سلسلے اچ محکمیں کوں ہدایات پہلے ہی جاری کر ڈتیاں گیاں ہن ۔ڈینگی دا علاج ہر ویلھے ممکن ہے ۔۔مریض آونڑ دی صورت اچ مریض دی ڈیکھ بھال اتے احتیاط تے علاج دے ذریعے موت دی شرح اچ گھٹکی آ سگدی ہے ۔انہاں آکھیا جو ایں ویلھے ڈینگی دے مریض دی شرح موت صرف ہک فیصد ہے ۔چنگی حکمت عملی نال ایندے تے قابو پاتا ونج سگدا ہے ۔
