اسلام آباد (پاکستان نیوزپوائنٹ20اکتوبر2017ء) ڈپٹی کمشنر اسلام آباد مشتاق احمد آکھیا ہے جو قائداعظم یونیورسٹی دے طالب علماں نال مذاکرات کامیاب تھی گے ہن تے یونیورسٹی کوں کھول ڈتا گیا ہے ۔خمیس کوں رات کوں قائداعظم یونیورسٹی دے طالب علماں نال مذاکرات دے بعد صحافیاں نال گالھ مہاڑ کریندے ہوئیں ڈی سی اسلام آباد آکھیا ہے جو تعلیمی اداریں اچ ایں طرح دی کاروائی نی کر سگدے جیں نال ملک دی بدنامی تھیوے ، کجھ مذاکرات کامیاب تھی گے ہن تے یونیورسٹی کو ںکھول ڈتا گیا ہے، 13 اچوں 12 مطالبات ایڈمن متعلق ہن، ساریں توں وڈا مسئلہ فیس دا ہئی جیرھا جو حل تھی گیا ہے ۔
ڈی سی اسلام آباد آکھیا جو کڈھیے گے طالب علماں سانگے ہک میٹنگ تھیسی جیں دے بعدعمل در آمد کیتا ویسی ۔ ایس ایس پی اپریشن ساجد کیانی ایں موقع تے گالھ مہاڑ کریندے ہوئیں آکھیا جو جیرھے مقدمے درج ہن ایں حوالے نال بھیجی گی معلومات کوں ڈٹھا ویسی ایندے نال طالب علماں دی تعلیم تے اثر تھی سگدا ہے ۔
