ہیڈ نوبہار توں نا معلوم بندے دی ڈو ڈینھ پرانڑیں لاش بر آمد

ملتان(پاکستان نیوزپوائنٹ20اکتوبر2017ء) وہاڑی روڈتے واقع ہیڈ نوبہار نہرتوں ہک نا معلوم بندے دی لاش بر آمد تھی ہے ۔ریس کیو 1122ذرائع مطابق شہریاں جمعے ڈے ڈینھ اطلاع ڈتی جو ہیڈ نو بہار اچ ہک نامعلوم بندے دی لاش ڈکھائی ڈیندی پئی ہے جیںتے ریس کیو دے اہلکاراں موقع تے پج تے اینکوں نہر توں کڈھیا ۔لاش ڈو ڈینھ پرانڑیں ڈسائی ویندی ہے حالی تئیں ایندی شناخت کائنی تھی ۔پولیس تھانڑاں سیتل ماڑی لاش قبضے اچ گھن تے نشترہسپتال دے سردخانے اچ منتقل کرڈتی ہے۔