گذريل 5 سالن دوران ملڪ ۾ ٽي وڏا زلزلا آيا جن ۾ 748 ماڻهو مارجي ويا جڏهن ته 2731 زخمي ٿيا: سينيٽ کي آگاهي
اسلام آباد (پاکستان نیوزپوائنٹ 22 فروری2018ء) سينيٽ کي ٻڌايو ويو آهي ته گذريل 5 سالن دوران ملڪ ۾ ٽي وڏا زلزلا آيا جن ۾ 748 ماڻهو مارجي ويا جڏهن ته 2731 زخمي ٿيا. ڪالهه خميس ڏينهن سينيٽ ۾ سوالن جوابن جي وقفي دوران سينيٽر ڊاڪٽر جهانزيب جمالديني جي سوال جي جواب ۾ وزارت پاران ٻڌايو ويو ته 2015ع ۾ ايندڙ زلزلي ۾ خيبرپختونخواهه ۾ 225، پنجاب ۾ 5، آزاد ڄمون ۽ ڪشمير ۾ 2، گلگت بلتستان ۾ 10 ۽ فاٽا ۾ 30 ماڻهو مارجي ويا.
آڪٽوبر 2015ع جي زلزلي ۾ 81 هزار 695 گهر جزوي ۽ 29 هزار 373 مڪمل طور تي تباهه ٿيا. گذريل 5 سالن دوران زلزلي جي متاثرين کي معاوضي جي ادائيگي لاءِ وفاقي ۽ صوبائي حڪومتن 16409.40 ملين رپيا لاڳاپيل صوبائي اسٽيٽ ۽ علائقائي اٿارٽيز کي ادا ڪيا.