نيشنل ايڪشن پلان جي نگراني جي لاءِ پارلياماني ڪميٽي هجڻ گهرجي: سينيٽر عثمان ڪاڪڙ
اسلام آباد (پاکستان نیوز پوائنٹ 05ستمبر 2016ء) پختونخواهه ملي عوامي پارٽي جي اڳواڻ سينيٽر عثمان ڪاڪڙ چيو آهي ته نيشنل ايڪشن پلان جي نگراني جي لاءِ پارلياماني ڪميٽي هجڻ گهرجي، اسٽيبلشمينٽ افغانستان ۾ مداخلت ۽ اسٽريٽجڪ گهرائي جي پاليسي ڇڏي ڏي. ڪالهه سومر ڏينهن سينيٽ جي اجلاس ۾ ڳالهائيندي سينيٽر عثمان ڪاڪڙ چيو ته سينيٽ ۽ پارليامينٽ کي اختيار نه ٿو ڏنو وڃي، پرڏيهي ۽ گهرو پاليسي پارليامينٽ کان ٻاهر طئي ڪئي وڃي ٿي، اسان پارليامينٽ جي بالادستي چاهيون ٿا، فوج ۽ انٽيليجنس ادارن جي سياست ۾ مداخلت جي خلاف آهيون.
هن چيو ته سانحي کانپوءِ گڏيل سيشن ٿيڻ گهرجي ها، انهن واقعن کي سنجيده نه ورتو وڃي، سي پيڪ تي پشتون ۽ بلوچ قوم کي نظرانداز ڪيو ويو آهي.