(ن) لیگی رہنما دی گڈی وچوں جعلی بیلٹ پیپرز برآمد،3بندے گرفتار بیلٹ پیپرز مبینہ طور اُتے الیکشن وچ دھاندلی لئی ورتے جانے سن:وسیلے

شانگلا( پاکستان پوائنٹ نیوز24۔جولائی۔2018ء ) پاکستان مسلم لیگ (ن) دے رہنما دی گڈی وچوں جعلی بیلٹ پیپرز برآمد ہون دا انکشاف ہویا اے، پولیس نے کارروائی کردے ہوئے تن بندیاں نوں گرفتار کر لیا۔

میڈیا رپورٹس مطابق شانگلا وچ پولیس نے خفیہ اطلاع اُتے (ن) لیگی رہنما خلاف کارروائی کیتی۔ کارروائی دوران (ن) لیگی رہنما دی گڈی وچوں جعلی بیلٹ پیپرز برآمد ہوئے نیں۔

دسیا گیا اے کہ برآمد کیتے گئے بیلٹ پیپرز مبینہ طور اُتے الیکشن وچ دھاندلی لئی ورتے جانے

سن۔ پر سکیورٹی اداریاں نے ویلے سِر کارروائی کردے ہوئے ملزماں دی دھاندلی دی کوشش ناکام بنا دتی اے۔

پولیس نے (ن) لیگی رہنما دی گڈی وچوں بیلٹ پیپرز قبضے وچ لے کے تن بندیاں نوں گرفتار وی کر لیا اے۔ گرفتار بندیاں وچوں اک بندہ پاکستان پوسٹ آفس دا ملازم اے۔

پولیس نے تِناں بندیاں نوں گرفتار کر کے بیلٹ پیپرز گھلن والے امیدوار بارے کھوج شروع کر دتی اے۔ایس توں وکھ پولیس ایہ وی کھوج لا رہی اے کہ ہور جعلی بیلٹ پیپرز چھاپے گئے نیں یاں نہیں؟