پی ٹی آئی کِنیاں سیٹاں لوے گی،پنجاب دی حکمرانی کون کرے گا؟مشہور پرچا کار نے دس دتا

اسلام آباد( پاکستان پوائنٹ نیوز24۔جولائی۔2018ء ) نجی ٹی وی چینل دے پروگرام وچ گل بات کردے ہوئے مشہور پرچا کار مبشر لقمان نے آکھیا کہ میرے اندازے مطابق الیکشن مگروں ملک دے سبھ توں وڈے صوبے دی حکمرانی کسے جماعت دے حصے وچ نہیں آئے گی۔

اوہناں نے آکھیا کہ سبھ توں وڈے صوبے پنجاب دی حکمرانی آزاد امیدوار چودھری نثار علی خان دے حصے وچ آ سکدی اے۔ مبشر لقمان نے آکھیا کہ میں اندازہ لایا اے کہ عام انتخابات وچ پی ٹی آئی 70توں 75قومی اسمبلی دیاں سیٹاں جتن وچ کامیاب ہو جائے گی۔

اوہناں نے چودھری نثار علی خان دے وزیر اعلا پنجاب بنن بارے دسدے ہوئے آکھیا کہ جدوں پی ٹی آئی کول قومی اسمبلی

دیاں 115سیٹاں ہون گیاں تے عمران خان اعلان کر چکے نیں کہ اوہ کسے نال اتحاد نہیں کرن گے تے اوس ویلے آزاد امیدواراں تے پاک سرزمین پارٹی توں وکھ پی ٹی آئی کول ہور کوئی آپشن نہیں ہوئے گا۔

ہو سکدا اے کہ پی ایس پی تے ہور سیاسی جماعتاں پی ٹی آئی نال رابطے نہ کرن پر آزاد امیدوار تے انتخاب جتن مگروں ضرور پی ٹی آئی نال رابطے کرن گے۔

میرے اندازے مطابق عام انتخابات وچ کامیاب ہون والے آزاد امیدواراں دا جو کیمپ ہوئے گا اوہدے سربراہ چودھری نثار علی خان ہون گے۔

مبشر لقمان نے آکھیا کہ میرے اندازے مطابق پورے ملک وچ پی ٹی آئی قومی اسمبلی دیاں 115سیٹاں لین وچ کامیاب ہو جائے گی۔