اسلام آباد( پاکستان پوائنٹ نیوز23۔جولائی۔2018ء ) نجی ٹی وی چینل نال گل بات کردے ہوئے ماہر علم نجوم سامعہ خان نے آکھیا کہ 2018دے الیکشن وچ چار لوک بڑے طاقتور رہن گے۔
ایہناں چار لوکاں وچ عمران خان، شاہ محمود قریشی، چودھری نثار علی خان تے شہباز شریف شامل نیں۔ سامعہ خان نے آکھیا کہ ایہناں چاراں وچوں کسے دے ناں وی وزارت عظمی دا قرعہ نکل سکدا اے۔
سامعہ خان نے دسیا کہ جے عمران خان وزیر اعظم نہ بن سکے تے ہوسکدا
اے کہ ساڈے لئی کوئی ٹیسٹ ٹیوب وزیر اعظم تیار کر لیا جائے جیہدے اُتے پروگرام اینکر محمد مالک نے آکھیا کہ ایہدا مطلب اے سمجھوتا کر کے شاہ محمود قریشی نوں ملک دا وزیر اعظم بنائے جان دی آس اے۔
چیتے رہوے کہ اج رات 12وجے توں بعد الیکشن کمیشن دے حکم مطابق انتخابی امیدوار مہم ختم کر دین گے جدکہ 25جولائی نوں ووٹ پان دا دن ہوئے گا۔جیہدے لئی الیکشن کمیشن تے ہور قومی اداریاں ولوں تیاری کر لیاں گئیاں نیں۔