حنیف عباسی نے جیل وچوں اہم پیغام جاری کردتا راولپنڈی والیو!میرے نال ہون والی ناانصافی دا بدلا 25جولائی نوں شیر اُتے مہر لا کے لینا:حنیف عباسی
لاہور( پاکستان پوائنٹ نیوز24۔جولائی۔2018ء ) مسلم لیگ (ن) دے رہنما حنیف عباسی نے آکھیا اے کہ راولپنڈی والیو میرے نال ناانصافی دا بدلا 25جولائی نوں شیر اُتے مہر لا کے لینا۔
تفصیل مطابق مسلم لیگ (ن) دے رہنما دانیال چودھری نے اپنے ٹویٹر اکاؤنٹ اُتے حنیف عباسی دا خط شیئر کیتا۔ جیہدے وچ اوہناں نے راولپنڈی دے واسیاں تے تاجراں نوں آکھیا اے کہ راولپنڈی والیو میرے نال ہون والی ناانصافی دا بدلا 25جولائی
نوں لینا، میں ایس ویلے نہ کیتے گناہواں دی سزابُھگت رہیا واں، شیر اُتے مہر لا کے میری ناانصافی دا بدلا لوو۔
چیتے رہوے کہ 21جولائی نوں راولپنڈی دی انسداد منشیات عدالت نے مسلم لیگ (ن) دے رہنما حنیف عباسی نوں ایفی ڈرین کیس وچ عمر قید دی سزا جدکہ ہور 7ملزماں نوں ثبوت نہ ہون اُتے شک دا فائدہ دیندے ہوئے بری کر دتا سی۔
حنیف عباسی نوں انتخابی سیاست لئی زندگی بھر لئی نااہل وی قرار دتا گیا ۔