خواجا سعد رفیق نواز شریف دے ہٹ مین بنے ہوئے نیں خواجا سعد رفیق نے پیر حسنات شاہ نوں رانا ثناء اللہ دے استعفے دا مطالبہ کرن اُتے وی جھڑکیا

اسلام آباد(پاکستان پوائنٹ نیوز06۔دسمبر2017ء) نجی ٹی وی چینل دے پروگرام وچ گل بات کردے ہوئے سینئر پرچاکار چودھری غلام حسین نے آکھیا کہ خواجا سعد رفیق اج کل نواز شریف دے ہٹ مین بنے ہوئے نیں۔

اوہناں نے دسیا کہ خواجا سعد رفیق نے اہم مذہبی شخصیت پیر حسنات شاہ نوں جھڑکیا اے کہ پیر حسنات صاحب، تُسیں رانا ثناء اللہ دے استعفے دا کیوں مطالبہ کیتا اے؟ تُسیں ڈسپلن دی خلاف ورزی کیوں کیتی؟ رانا ثناء اللہ نوں کہنے کڈھیا؟ تہاڈی جرئت کیویں پئی؟ سینئر پرچا کار دا کہنا سی کہ ہن

ایہ لوک اک ہور خطرناک سازش کر رہے نیں کہ ختم نبوتﷺ وچ ترمیم وچ ساریاں پارٹیاں شامل نیں تے تیجا ایہ اے کہ اوہناں نے فیصلا کر لیا اے کہ میر ظفر اللہ جمالی تے رضا ہراج نوں عبرت دا نشانہ بنایا اے۔

اوہناں دے فنڈز بند کر دتے جان گے۔ دوجے پاسے ماڈل ٹاؤن دُکھانت دی رپورٹ آن مگروں پنجاب دی انتظامیہ، پولیس، وزیر و مشیراں وچ سوگ کھلر گیا اے۔

اوہناں دا کہنا اے کہ حکومت تے رہنی نہیں اے ایس لئی ہن اوہناں نے کئی فون کرنے شروع دتے نیں تاں جے اوہناں دی جان بخشی ہوئے۔