گڑاس خلقت کوشست کننگ ءُ کہ حکومت تینا مد ءِ پورو کپئے، اوفتا دا کوشست سرسہب مفک، سعد رفیق

اسلام آباد(پاکستان نیوزپوائنٹ15نومبر2017ء) مسلم لیگ (ن) نا راہشون و بنجائی وزیر ریلوے سعد رفیق پارینے کہ سیاسی جماعت آتے پرغنگ و گنڈنگ نا کاریم مننگ ءِ، گڑاس خلقت نا کوشست ءِ کہ حکومت تینا مد ءِ پورو کپئے اوفتا دا کوشست سرسہب مفک، ہر حکومت تینا مدت ءِ پورو کیک انتئے کہ او الس نا وونٹ ہلسا بریک ، ادارہ غاک اواری اٹ جمہوریت ءِ سوگو کننگ کیرہ بیرہ اسہ ہی تپہ جمہوریت ءِ سوگو کننگ کپک، دامچ آ عمل اٹ جمہوریت ءِ نسخان مننگ ءِ۔

چارشنبے نا دے احتساب عدالت

نا پیشن میڈیا تون ہیت وگپ کرسا اوپارے کہ عمران خان ہُشنگ و کست انا ناجوڑی نا گواچی ءِ۔

داسوج انا بحیثیت سیاسی کارندہ پاکستان اٹی اینو پگہ ہراوڑنا سیاسی چاگڑد ودی مسنے اودے ہرانظر اٹ ہرک و انت پاکستان داوڑنا سیاسی چاگڑد نا گواچی مننگ کیک پر بنجائی وزیر پارے کہ سیاسی چاگڑد جوان اف و ہراتم سیاسی جماعت آک اسہ ایلو تون جنگ کیرہ و خاص وڑاٹ غیر المی ویل آتیا جنگ کننگک تو ولدا غیر جمہوری حکومت آک، غیر جمہوری عنصر آک و غیر جمہوری سوچ ءِ موقع ملک۔