اسلام آباد(پاکستان نیوزپوائنٹ15نومبر2017ء) وزارت ڈٹ بندی و شونداری سرکاری بشخ انا شونداری پروگرام تیٹی فنانس ڈویژن نا شونداری ڈٹ آتے کن جم وڑاٹ داوخت اسکان 2ارب 26کروڑ روپئی آن زیات نا فنڈ جاری کرینے، حکومت داڈویژن نا شونداری کاریم تے کن 20 ارب 14کروڑ روپئی آن زیات نا فنڈ جتا کرینے۔
پلاننگ کمیشن نا کنڈآن جاری کروک حساب وکتاب نار داٹ حکومت تھر پارکر اٹی 100 میگاواٹ پاور پلانٹ کن 30
کروڑ، فنانس ڈویژن اٹی ادارہ جاتی اصلاحات کن اسہ کروڑ، اسلام آباداٹی آڈٹ ہاؤس اٹی جوڑ جاڑی کاریم تے کن 15کروڑ، سی ڈی این ایس پروجیکٹ کن 7 کروڑ 93لکھ، چین پاکستان اقتصادی راہداری ڈٹ انا رداٹ دیر انا فراوانی کن 20 کروڑ، پتوکی ٹی فلائی اوور کن 25کروڑ، پھولنگر اٹی شونداری کاریم تے کن 30 کروڑ، گریٹر کراچی سیوریج اسکیم کن 60 کروڑ روپئی تون اوار چندی شونداری ڈٹ آتے کن فنڈ جاری کننگانے۔