پاکستان آپریشن ضرب عضب نا کمک اٹ انسداد دہشت گردی ٹی سرسہبی دوئی کرے وزیر دفاع انجینئر خرم دستگیر خان نا اقوام متحدہ نا انڈر سیکرٹری جنرل فیلڈ سروسز اتل کھارے تون اوڑدہی ٹی ہیت وگپ

اسلام آباد(پاکستان نیوزپوائنٹ15نومبر2017ء) وزیر دفاع انجینئر خرم دستگیر خان پارینے کہ پاکستان آپریشن ضرب عضب نا کمک اٹ انسداد دہشت گردی ٹی سرسہبی دوئی کرے، پاکستان نا سلہہ بند فوج و کانود نافذ کروک آ ادارہ غاتا کنڈآن تربیت و بڑزکو مہارت اقوام متحد ہ کن ساڑی ءِ ہرانہادی وسیلہ غاتا حامل ءِ۔

داہیت ءِ او اقوام متحدہ نا انڈر سیکرٹری جنرل فیلڈ سروسز اتل کھارے تون اوڑدہی ٹی پارے۔ دااوڑدہی ءِ اوفک وینکوور، کینیڈاٹی اقوام متحدہ نا دفاع و قیام امن نا وزارتی دیوان نا وخت آ کریر۔

وزیر دفاع اودے

پارے کہ قیام امن اٹی زالبول آتا اوارمننگ اٹ ودکی کننگ کن ہم پاکستان سرسہبی اٹ کوشست کننگ ءِ۔ اقوام متحدہ نا انڈر سیکرٹری جنرل اقوام متحدہ نا قیام امن اٹی پاکستان نا تاریخی شرکت نا ستاءِ کرے ہرا 1960ء آن برجاءِ و داٹی 140 فوجی جان تا قربانی ءِ تسر۔

اواقوام متحدہ نا سلامتی کن پاکستان نا بڑزکو درجہ نا لاجسٹکس و تربیتی آسراتی تا ستاءِ کرے۔ وزیر دفاع، دفاعی کانفرنس نا آخری دے دُوارہ تران کیک۔

گدرینگوک آ شش دہائی ٹی پاکستان اقوام متحدہ نا 45مشن تیٹی 180,000 فوجی28 چندی ملک آتیٹی گدریفینے۔