وزارت ڈٹ بندی، شونداری و اصلاحات جان جوڑی نا آسراتی تے گچین جوڑ کننگ کن 2 ارب 10 کروڑ روپئی جاری کرے
اسلام آباد(پاکستان نیوزپوائنٹ15نومبر2017ء) وزارت ڈٹ بندی، شونداری واصلاحات سرکاری بشخ انا شونداری پروگرام تیٹی ملک اٹی جان جوڑی نا آسراتی تے گچین جوڑ کننگ کن داوخت اسکان 2ارب 10 کروڑ روپئی آن زیات نا فنڈ جاری کرینے، حکومت داڈویژن نا شونداری کاریم تے کن 48 ارب 70 کروڑ روپئی نا فنڈ جتا کرینے۔
پلاننگ کمیشن نا جاری کروک حساب وکتاب نار داٹ حکومت پرائم منسٹر نیشنل ہیلتھ کارڈ پروگرام کن 60 کروڑ، این آئی ایچ ٹی ویکسین نا اپ گریڈیشن و سپلائی کن 93لکھ، ای پی آئی پروگرام کن اسہ ارب 24کروڑ 65لکھ، کامن یونٹ کن اسہ کروڑ 13لکھ روپئی تون اوار چندی شونداری ڈٹ آتے کن فنڈ جاری کرینے۔