شارجہ (پاکستان نیوز پوائنٹ 28اکتوبر2016ء) پاکستان اتے ویسٹ انڈیز دیاں کرکٹ ٹیماں وچال ترائے ٹیسٹ میچاں تے مشتمل سیریز دا تریجھا اتے چھیکڑی ٹیسٹ میچ (کل) اتوار توں شارجہ وچ شروع تھیسی، گرین شرٹس کوں سیریز وچ2-0 دی فیصلہ کن برتری حاصل ہے۔ پاکستانی ٹیم سیریز دے پہلے ٹیسٹ وچ کالی آندھی کوں 56 سکوراں اتے ڈوجھے ٹیسٹ وچ 133 سکوراں دے واضح مارجن نال ہرا تے سیریز وچ فیصلہ کن برتری حاصل کیتی ہائی۔
شاندار فتوحات دے بعد پاکستانی ٹیم دا مورال بلند ہے اتے کھلاڑی کالی آندھی کوں چھیکڑی ٹیسٹ وچ وی ہرا تے ٹی ٹونٹی اتے ون ڈے دے بعد ٹیسٹ سیریز وچ وی وائٹ واش کرنڑ سانگے پر عزم ہن، ڈوجھے پاسے ہری ہوئی ویسٹ انڈین ٹیم چھیکڑی ٹیسٹ جیت تے دورے کوں چنگے انداز وچ مکاونڑ دی خواہشمند ہے تاں جو گرین شرٹس دی حالیہ کارکردگی کوں مدنظر رکھیندے ہوئیں ایکوں چھیکڑی ٹیسٹ وچ وی فیورٹ قرار ڈتا وینداپئے۔
