جارجیا (پاکستان نیوز پوائنٹ 23وری2016ء) امریکی ریاست جارجیا دے ایمرجنسی حکام دا آکھنڑ ہے جو شدید طوفان پاروں 19 بندے ہلاک اتے بہوں زخمی تھی گے ہن۔ذرائع ابلاغ دے مطابق ریاست جارجیا دے گورنر نیتھن ڈیل دا آکھنڑ ہے جو ریاست دے چار علاقیں اچ ہنگامی حالت نافذ کرڈتی گئی ہے۔قومی موسمیاتی ادارے دا آکھنڑ ہے جو جارجیا اتے فلوریڈا اچ مزید طوفان اتے بگولیںدا امکان ہے۔
جارجیا ایمرجنسی مینجمنٹ ایجنسی آکھیا ہے جو جارجیا اچ ہلاک تھیونڑ آلے12لوکاں دا تعلق جنوبی کک، بروکس اتے بیرن دے علاقیں اچوں ہا ۔انہاں اچ ست بندے ہک عارضی مکان اچ رہائش پذیر ہن جڈاں جو طوفان انہاں دے مکان نال ٹکرایا ۔ہنگامی ادارے دے اہلکار پرویس دے مطابق ہک پارک اچ تقریباً 40 دے نیڑے عارضی مکان ہن جیں اچوں ادھے تباہ تھی گے ہن ۔امریکی صدر ڈونلڈ ٹرمپ ایں موقع تے گورنر نیتھن ڈیل دے نال گالھ مہاڑ اچ جانی ضیان تے افسوس دا اظہار کیتاہے ۔واضح رہے جو گزریل ہفتے کوں مسی سپی ریاست اچ طوفان پاروں چار بندے ہلاک تھے ہن ۔
