ننگرہار وچ شدت پسند تنظیم داعش دے خلاف کارروائی، 60عسکریت پسند ہلاک ،

خوست وچ بارودی سرنگ دے دھماکے وچ ہک تریمت سمیت ترائے بندے ہلاک ،جوزجان وچ عسکریت پسنداں نجی ٹیلی کام کمپنی دے چارمغوی کارکناں کوں رہا کرڈتا

ننگرہار وچ شدت پسند تنظیم داعش دے خلاف کارروائی، 60عسکریت پسند ہلاک ،
خوست وچ بارودی سرنگ دے دھماکے وچ ہک تریمت سمیت ترائے بندے ہلاک ،جوزجان وچ عسکریت پسنداں نجی ٹیلی کام کمپنی دے چارمغوی کارکناں کوں رہا کرڈتا

کابل (پاکستان پوائنٹ نیوز۔25 جولائی۔2016) افغانستان دے مشرقی صوبہ ننگرہار وچ شدت پسند تنظیم داعش دے خلاف کاروائی وچ60عسکریت پسند ہلاک اتے ودھ سارے زخمی تھی گئے،خوست وچ بارودی سرنگ دے دھماکے وچ ہک تریمت سمیت ترائے بندے ہلاک تھی گئے،جوزجان وچ عسکریت پسنداں نجی ٹیلی کام کمپنی این ٹی ایم دے چارمغوی کارکناںکوں رہا کرڈتا ہے۔افغان میڈیا دے مطابق کابل وچ وزارت داخلہ سونوار کوں اپنڑے ہک بیان وچ آکھیا اے جو ننگرہاردے ضلعیاں آچین اتے کوٹ وچ شدت پسند تنظیم داعش دے خلاف کاروائی کیتی گئی،ایں دوران داعش نال وابستہ 60عسکریت پسند ہلاک اتے ودھ سارے زخمی تھی گئے۔

ایں علاقے وچ افغان فورسز ولوں آپریشن شاہین جاری ہن جیندے وچ ہنڑ تائیں سینکڑاں عسکریت پسنداں دی ہلاکت دا دعویٰ کیتا گیاہے۔مشرقی صوبہ خوست وچ بارودی سرنگ دے دھماکے وچ ہک تریمت سمیت ترائے بندے ہلاک تھی گئے۔ضلعی پولیس چیف دے مطابق ضلع علی شیر وچ ہک گاڈی دے نیڑے بارودی سرنگ دا زوردار دھماکہ تھیا جیندے نیتجے وچ ہک تریمت،ایندی دھی اتے ہک بیابندہ ہلاک تھی گیا۔

پولیس دے مطابق بارودی سرنگ سیکورٹی فورسز دی گاڈی کوں نشانہ بناونڑ سانگے نصب کیتی گئی ہائی۔ایں صوبے دے علاقے سپیرہ وچ حقانی نیٹ ورک نال وابستہ ہک کمانڈر کوں ہلاک کرنڑن دا دعویٰ کیتا گیاہے تاں جوایں حوالے نال بئیاں تفصیلات فراہم نی کیتیاں گئیاں۔شمالی صوبہ جوزجان وچ عسکریت پسنداں نجی ٹیلی کام کمپنی این ٹی ایم دے چارمغوی کارکناں کو ںرہا کرڈتا۔

انہاں کارکناںکوں کجھ ڈینھ پہلے شدت پسنداں اغواءکیتا ہائی۔افغان حکا م دے مطابق انہاں دے کارکناں دی رہائی عمائدین دیاں کوششان نال ممکن تھئی ہے۔دریں اثناءداعش کابل وچ ہزارہ برادی دے مظاہرین تے تھیونڑ آلے حملے دیاں تصویراںسماجی میل جول دی ویب سائیٹ ٹوئٹرتے جاری کرڈتیاں ہن۔افغان حکام دے مطابق ایہ فوٹیج تنظیم نال جڑئے ہوئے بندیاں ولوں جاری تھئیاں ہن ہے جیندے وچ ڈوخودکش حملہ آروراں حصہ گھدا۔ایں کارروائی وچ 80بندے ہلاک تھی گئے ہن۔