واشنگٹن(پاکستان نیوز پوائنٹ 22نومبر2016ء) نویںمنتخب امریکی صدر ڈونلڈ ٹرمپ امریکہ عالمی تجارتی معاہدے ٹرانس پیسفک پارٹنرشپ (بحرالکاہل دے آر پار سانجھی تجارت دے معاہدے) توںنکل ونجنڑ دا عندیہ ڈتے۔ غیر ملکی میڈیا دے مطابق ٹرمپ ہک ویڈیو پیغام وچ آکھیا ہے جو جنوری وچ صدر دا عہدہ سانبھنڑ دے بعد انہاں دا پہلا کم بحرالکاہل دیاں 12 ریاستاں وچال علاقائی تجارت دے فروغ دے معاہدے کوں ختم کرنڑ ہوسی۔
واضح رہوے جو12ملک گزریل سال کیتے گئے ایں عالمی تجارتی معاہدے وچ شامل ہن اتے ا یہ ملک دنیا دی 40 فیصد تجارت کوں کنٹرول کریندے ہن۔ڈونلڈ ٹرمپ صدارتی انتخاب دی مہم وچ ایہ وعدہ وی کیتا ہا جو ا وہ نوکریاں دی گھٹکی، ویزے دے مسائل اتے کوئلے دی پیداوار وچ گھٹکی کریسن۔صدارتی انتخاب وچ ڈونلڈ ٹرمپ کوں غیرمعمولی طور تے کامیابی ملنڑ دے بعدپورے امریکا وچ انہاں دے خلاف مظاہریاں دا آغاز تھی گیاہا۔ٹی پی پی وچ آسٹریلیا، ملائیشیا، جاپان، نیوزی لینڈ، کینیڈا اتے میکسیکو وی شامل ہن۔
