مسلم برادری دا احترام ٹرمپ تے واجب ہے، امریکی اسلامی کونسل

واشنگٹن (پاکستان نیوز پوائنٹ 10نومبر2016ء) امریکی اسلامی کونسل دے ڈائریکٹرنہاد عواد نویں منتخب صدر ڈونلڈ ٹرمپ توں مطالبہ کیتا ہے جوا و مسلم برادری سمیت ساری امریکی عوام دا احترام کرن۔انہاں ڈونلڈ ٹرمپ دے صدر منتخب ہو ونڑ دے بعد اپنڑے رد عمل وچ آکھیا جو مسلم برادری دا احترام ٹرمپ تے واجب ہے۔نہاد عواد واشنگٹن وچ منعقدہ ہک اجلاس دے دوران آکھیا جو امریکی نو منتخب صدر ٹرمپ دے مسلم مخالف بیانات قابل مذمت ہن اتے ا وہ اے سمجھ ونجن جو ایں ملک وچ وسدی مسلم برادری اتھاںآباد رہسی۔ نہاد عواد امریکی مسلماناں دے خدشات دا ذکر کریندے ہوئیں آکھیا جو امریکہ انہاں دی طرح اساڈا وی وطن ہے جتھاں اساکوں وی ا و سارے حقوق حاصل ہن جتھاں بئے لوکاں کوںہن۔