امریکی حکومتی شٹ ڈاون آندے سال تئیں جاری رہسی

واشنگٹن (پاکستان پوائنٹ نیوز28دسمبر 2018ء) امریکا اچ جزوی حکومتی شٹ ڈاون آندے ہفتے وی جاری رہنڑ دا ڈر ظاہر کیتا گے ۔ ایں ڈیڈلاک کوں ختم کرنڑ دی ہک بئی کوشش دی ناکامی دے بعد ناقدین آکھیا جو اے صورت حال 2019توں پہلے ختم کائناں تھیسی ۔ امریکی صدر ڈونلڈ ٹرمپ امریکا تے میکسیکو وچال سرحد تے ہک دیوار دی تعمیر کیتے حکومتی فنڈنگ مختص کرنڑ چاہندوں تاں جو اپوزیشن ڈیمو کریٹس ایں منصوبے دے خلاف ہن ۔اے معاملہ ایں سال تریجھے حکومتی شٹ ڈاﺅن دا باعث بنڑیے اے حکومتی بندش 8لکھ وفاقی ملازماں کیتے پریشانی دا باعث بنڑی ہوئی اے ۔