بیجنگ (پاکستان پوائنٹ نیوز25دسمبر 2018ء) وزیر خارجہ مخدوم شاہ محمود قریشیآکھیے جو پاک چین یاری کوں عوامی اتے حکومتی سطح تے وڈی پذیرائی حاصل ہے،سی پیک پاکستان اتے خطے سانگے وڈی تزویراتی اہمیت رکھیندے ۔انہاں خیالیں دا اظہار انہاں منگل کوں اپنڑے چینی ہم منصب وانگ ژی نال ملاقات دوران کیتا۔ڈوہائیں رہنماواں وچال خصوصی ملاقات بیجنگ اچ تھئی۔
ملاقات دوران ڈوطرفہ تعلقات اتے اہم علاقائی تے عالمی امورتے گالھ بات کیتی گئی۔وزیر خارجہ مخدوم شاہ محمود قریشی وزیر اعظم پاکستان عمران خان ولوں چینی قیادت سانگے تہنیتی پیغام پجائے،پاک چین یاری کوں عوامی اتے حکومتی سطح تے وڈی پذیرائی حاصل ہے، سی پیک چینی صدر دے ون بیلٹ ون روڈ ویژن دی عکاسی ہے۔انہاں آکھیا جو سی پیک پاکستان اتے خطے سانگے وسیع تزویراتی اہمیت رکھیندے ۔
ڈوہائیں وزرائے خارجہ وچال افغانستان اچ قیام امن دے حوالے نال وی خصوصی گالھ بات تھئی ۔وزیر خارجہ شاہ محمود قریشی آکھیا جو چین افغانستان اچ مفاہمت دے عمل سانگے پاکستان دی کوششاں دی حمایت کیتی ہے۔ڈوہائیں وزرائے خارجہ خطے اچ امن تے استحکام اتے رابطیاںدے فروغ سانگے سانجھا لائحہ عمل اختیار کرنڑ دے عزم دا اعادہ کیتا۔
